KHAWTHLIR

Amit Shah kâwm
Lok Sabha MP C Lalrosanga chuan nimin khan New Delhi-ah Union Home minister Amit Shah a kâwm a, Aizawl khawpui laili aṭanga Zokhawsanga Assam Rifles sawn chhuah leh Myanmar ráltlânte enkawlna chungchang a sawipui.

Methamphetamine
Mizoram police leh BSF ṭang dun chuan nimin chawhma dar 10:54 khan PC Lalchharliana (54) s/o Zatawna (L) c/o Rimawii, Hunthar Veng hnen aṭangin Methamphetamine mûm 10,000 an man. Ruihhlo an man hi tualchhunga an hralhna angin Rs 9,00,000 vel hu a ni.

Inbiakna sawiho
Khawzawl District Telecom Committee chuan an chairman CC Lalchhuangkima, district bawrhsap hoin nimin khan DC conference hall-ah inbiakpawhna telecom service tih hmasawn dan tur an sawiho. ROW portal kaltlanga company hrang hrang aṭanga tower sak dilna lutte chu ICT department-ah a ṭul anga bawhzui tura thehluh ni se, an ti.

PC-in sorkar dem
PC party chuan, Mizoram sorkar suma a tâlbuai chhan chu - kum 35 liam taa Brig. T Sailo kaihhruai PC sorkarin kawlphetha chakna hmanga ram intodelh theihna tura hmalakna thui tak an neih tawh Congress leh MNF party-te'n sorkarna an inchan chhâwk chhunga an hlamchhiah vangah an ngaih thu an tarlang.