Kângmei laka damdawi-in Him dan tur zirna buatsaih

Fire & Emergency Ser­vice leh Directorate of Health Services ṭangkawp chuan, nimin khan Aizawl SP conference hall-ah Aizawl khawpuia dam­dawi-in 15-te tan damdawi-in chhunga kângmei a chhuah palha hmalak dan tur zirna, 'Hospital fire safety table top mock drill exercise' an buatsaih ṭan.

He mock drill exer­cise-in a tum ber chu, dam­dawi-in bakah, a chhunga damlo leh hna thawk­tute kângmei laka an him zawkna tura inzitir a ni.

He hmalaknaah hian damdawi-ina thawkte chu kâng ṭhelhna hmanrua chi hrang hrang hman dan zirtir an ni a; State Disaster Response Force, YMA, Police leh pawn lam aṭanga ṭanpuitute an thlen hmaa damlote leh damlo awmpuitute sahimna tura an lo tih theihte kawhmuha zirtir an ni.

Training hian ni thum a awh dawn a, Aizawl khaw­pui chhunga dam­dawi-in 15 chu a inchhâwka zirtir an ni ang.