RD department-in lawmman a dawng

Mizoram sorkara Ru­ral Development depart­ment chuan, Shyama Pra­sad Mukherji Rurban Mission(SPMRM) leh Rural Housing (IAY/PMAY) hnuaia hna thawh ṭhat lawmman nimin khan New Delhi-ah an dawng.

Thu dawn danin, nimin khan Delhi-a Vigyan Bhawan-ah Ministry of Rural Development-in MGNREGA mobile app, Grameen Internal Audit Portal (GRIP) leh PMGSY hnuaia Grameen Sampark monthly publi­cation an tlangzarh a ni a; MGNREGA, IAY/PMAY, SPMRM), Pra­dhan Mantri Gram Sadak Yojana (PMGSY), DDU-GKY, DAY-NRLM, NSAP leh a dangtea hma la ṭha state-te hnenah award sem nghal a ni.

Mizoramin lawmman memento leh certificate a dawnte chu Mizoram sorkara SPMRM & IAY/PMAY nodal officer Paul L Khuma'n Union Rural Development minister Narendra Singh Tomar hnen aṭangin a dawng.

Mizoramin lawmman a dawn hi SPMRM-ah chuan Outstanding Per­formance (in the cate­gory of north east states) under Phase-1 a dawng a ni a; IAY/PMAY-ah chuan state ti ṭha zual thlan chhuah 12 zingah Mizoram telin, Impressive Performance-ah Gold a dawng a ni.