Joint NGO-in ràl tum

NGO Coordination Committee chuan thu­chhuah siamin, May 28, 2017-a Guwahati-a thia chhar, C Lalhmangaih­sanga leh R Lalmalsawma, Lunglei Electric Vengte chu hun remchang hmasa berah an inah râlna hun hman an tum thu an tarlang.

Central YMA, MHIP, MUP, MZP leh MSU-te telna Joint NGO chuan, C Lalhmangaihsanga leh R Lalmalsawma-te thihna hmun enfiah leh Assam sorkar hotute dâwr kuala Guwahati-a an kalnaah, a ṭul anga sorkar hotute'n an lo buaipui avangin lawmawm an tih thu an tarlang.

Jt. NGO tarlan dan­in an an thu thlen - mitthi chhungte hnena zangnadawmna pek te, he thihna thlen chhan dik taka chhuichhuak tura a ngennate leh tuna zirlai la awm mekte security ngaihtuah sak tura an thlente chu Assam sorkara thuneitute'n lo bawhzui an inhuam thu an lo hrilh a ni.