I Day-a zirlai parade tur doctor-in an hriselna endik dawn

Aizawl DC Kannan Gopinathan hoin nimin khan DC conference hall-ah kumina Independence Day hman dan tur ngaih­tuah a ni a; parade-a tel tur zirlaite hriselna dinhmun doctor-te endik hmasak phawt turin an rêl.

Kannan Gopinathan chuan meeting hmahruai koh chhan sawiin, "Na­tio­­nal day-a school pa­rade contingent zingah làmtuala an din laia tlu an awm ṭhin avangin hei hi pumpelh theih dan tur ngaihtuah lâwk a ṭul vang a ni," a ti.

Meeting-a an rêl dan chuan, zirlai naupang parade-a tel turte chu doctor-te'n an hriselna dinhmun an endik hmasa vek dawn a, July 17-21, 2017 chhungin endik a ni ang. Doctor endik lohte chu parade-ah an tel dawn lo. Hei bakah hian parade an zir chhung leh Independence Day-ah doctor-te chawh chauh pek tur a ni.

Meeting-ah hian Po­lice, IPR, Hospital & Me­di­cal Education, Aizawl Civil Hospital, School Edu­cation, Higher & Tech­nical Education leh Printing & Stationary department hotute an tel.