Sangau-ah electric bill pek loh tum

Consumer's Protection Association, Sangau huai­hawta Sangau khuaa V/C-te leh YLA-te June 18, 2017-a ṭhukhawm chuan, Sangau leh a chheh­vela kawlphetha hman man sang lutuk avangin May thla bill chu pek loh phawt an rêl.

Consumer's Protec­tion Association, Sangau chuan, Sangau leh a chheh­velah kawlphetha a awm ṭha lo hle a, chuti chung chuan electric bill a sang hle niin an sawi a, "May thla chhunga ni 10 êm pawh êng si lo, thla dang ai maha bill a sang hi kan hrethiam lo," an ti.

Kawlphetha an hmuh dan leh electric bill zat chu a inhen loh em avangin May thla bill, June thlaa pek tur chu pe rih lo turin chhung tinte an ngen a ni.