Ni kua naah Samtlang mibo hmu

June 8, 2017 aṭanga bo, Ramdinzauva Sailo (51), Samtlang khua chu Mizo dan anga khawtlangin ni sarih chhung an zawn hnua a náwlpuia zawn tihtawp a nih hnuah nimin tlai khan Serzawlah dama hmuh a ni.

Thu dawn danin, Ramdinzauva Sailo hi rilru lam harsatna nei a ni a, June 8 zinga an in aṭanga a chhuak chu a haw loh avangin chhungkhat lainate'n an zawng ṭan a, an hmuh loh avangin Chhimphei Group YMA kaihhruaiin June 12 aṭang khan a náwlpui a zawn ṭan a ni. Pathianni khan Central YMA kaihhruaina hnuaiah Aizawl khawpuia YMA branch hrang hranga mite'n an zawnpui a, hmuh a nih tak loh avangin a nawlpuia zawn tihtawp a ni.

Samtlang Branch YMA hruaitute chuan, a náwlpuia mibo zawn hna hi tawpsan rih ni mah se, theih ang angin an zawng chhunzawm a, nimin tlai khan Serzawlah dama hmuh a ni.