Serchhip YMA-in lei ṭha lo enfiah

YMA Sub-Headquarters, Serchhip hruaitute chuan National Highway-54, Chhingchhipa lei (bailey bridge) tlahniam chu Pathianni khan an tlawh. He lei hi lirthei zawh theiha siam turin PWD-in hna an thawk mek nia thu dawn a ni.

Serchhip YMA hruai-tute hi an president R Sanghmingthanga hoin an kal a, PWD chief engineer (Highway) K Lal-sawmvela leh Chhing-chhip khawtlang hruaitute nen harsatna chinfel dan tur an sawiho a ni.

Serchhip Sub-Hqrs. YMA thuchhuah tarlan danin, Chhingchhip Mualpuia bailey bridge hi a innghahna lei a tlakhniam avangin lirthei tan zawh ngam a ni lo a; hei vang hian lei chu zawm sei tum niin, a zawmna tur hmanrua dap khawm mek a ni. PWD CE K Lalsawmvela chuan, khuain a zir chuan ni 2/3 chhunga zawh theih an inbeisei tih a sawi.

Chhingchhipa lei a ṭhat loh avang hian Ser-chhip district-a khaw hrang hrangin harsatna an tawk mek nia sawiin, Serchhip YMA chuan, "Tunkar ration buhfai pawh a zahve chauha sem a ni. Cement lei tur a awm tawh lo a, ni tin khawsak rêlna mamawh chi hrang hrang pawh a váng ṭan hle a ni," an ti.