Martarte party mal politics khelh nana hman Duhoma'n ṭha a ti lo

ZNP president Lalduhoma chuan, mi ṭhahnem-ngaite'n Mizo ram leh hnam tana martarte ruhro lakkhawm hna an kalpui chu lawmawm a tih rual-in, political party mal politics khelhna atana hman chu ṭha lo a tih thu a sawi.

Nimina ZNP pisaa inkhawmah thu sawiin Lalduhoma chuan, Mizo hnam sipaite chu Mizote zalenna tura nunna hlantu, martar dik tak an ni tih an pawm thu a sawi a, "Amah-

erawh chu, kan martarte kha India hnuaia tute'n emaw sorkarna an chan nan te, contract leh supply an hmuh nan tea martar an ni lo a, ram leh hnam tan, kan zavaia tan an nunna an hlan a ni tih hriain, party mal politics khelhna atana hmang lo turin party tin kan ngen a ni," a ti.

Lalduhoma chuan, tunlaiin khuarel chhiatna vangin chhungkaw tam takin an eizawnna huan leh nû te an chán mek tih sawiin, "ZNP-in hman ata a lo aupui ṭhin crop insurance hi lo hmang tawh ila chuan, heng chhiat tâwkte hi kutbéngin an awm lo tur a ni," a ti a; Mizoramah kum tin khuarêl chhiatna tâwk an awm ṭhin avangin huan thlai mai ni lo, in leh lo thlenga insure nachang kan hriat a hun hle tawh thu a sawi.