Martarte hmusitah Zoramthanga an puh

Congress party chuan thuchhuah siamin, MNF president Zoramthanga chu Mizo hnam tana martarte hmusit tawh lo tura an duh thu an tarlang.

MPCC chuan, June 16, 2017-a Martar Thlanmual, Luangmuala Mizoram tana martar mi 12-te thlahnaah MNF President-in, 'Politics khelh nan martarte kan mamawh' tia thu a sawi chu mak an tih thu leh zahthlak an tih thu an tarlang a ni.

MPCC chuan, Mizo ram leh hnamin zalenna a neih theih nana in chhung lum leh nupui fanaute kalsan a, nunna hial chántu martarte chuan zah an phu tih sawiin, "Zalenna an sualpui ngei mai leh a hausak lutuk vanga thubuai hial nei MNF President-in politics khelh nan martarte kan la mamawh tia a sawi ngam hi martarte thlarau zahna nei miah lohna thu leh martar chhungte hmuhsitna a ni," an ti.