Lirthei leina atan thawk dun

Aizawl District Disas­ter Management Autho­rity (ADDMA) leh Power­grid Corporation of India Ltd. (PCIL) chuan, nimin khan chhiatrupna a thlena hman tur lirthei leina leh thawm ṭhatna atan thawhhona thuthlung, Aizawl DC pisaah an ziak.

Thawhhona thuthlung ang chuan, PCIL hian corporate social respon­sibility (CSR) aṭangin chhiatna a thlen thulha hman tur emergency res­ponse vehicle (ERV) leina leh thawm ṭhatna atana Rs. 20,04,852 an tum dawn a; ERV atan hian Tata Xenon 4X4 lei a ni dawn a, lirtheia dah tur hmanraw pawimawh hrang hrang lei tel tur a ni.

ERV-ah hian emer­gency light (blue & yellow) vuah a ni dawn a, disaster duty-a hman a nih chuan chhit ṭhin tur a ni.

ERV a tlan chhuah a, emergency light tihên a nih chuan a pawimawhzia hria a, mipui leh lirthei dangte'n kawng an lo ken zung zung a pawimawh thu ADDMA chuan an tarlang.