MLA-in chhiatna thleng a enfiah

Aizawl West-II bialtu MLA Lalruat-kima chuan nimin zing khan a bial chhung, Vaivakawna lei minin in a tih-chhiatte leh kei khî vanga in ṭhiahte a enfiah a, khawtlang hruaitute'n an ṭawiawm. Lalruatkima chuan, in chhiate siam ṭhatna atan MLA fund aṭangin sum mamawh ang a pek tur thu khawtlang hruaitute a hrilh.

Vaivakawnah hian tun hnaia ruahsur vangin lei chê a awm nual a; Luangmual panna Zohnuai zâwna kawng ft. 50 vel chu a tlahniam a, RCC in pahnih chu a khi nasa a, in neitute leh in luahtu chhungkaw pasarih an inthiar chhuak a ni.

Zohnuai kawngah lei tlahniam vang-in RCC in pakhat ṭhiah a ni a, Seventhday Tlang ruama in panga chu lei chêt vangin luah ngam lohin a awm a; Vaivakawna chhungkua inthiar chhuakte hi an vaiin chhungkaw 12 an ni.