CM hoin project kalpui dan tur sawiho

International Fund for Agriculture Development (IFAD) pro-ject, ‘Fostering Climate Resilient Upland Farming Sys-tems in the North East’ kalpui dan tur nimin khan chief minister Lal Thanhawla hoin Cabinet meeting room-ah sawiho a ni.

Meeting-ah hian NLUP Implementing Board (NIB) vice chairman PL Thanga'n IFAD project ṭobul te, hmalakna awm tawh te, sorkar leh IFAD thawhho tawh chin te, a thil tum te, kalpui dan tura a ruangám duante a sawifiah.

Meeting chuan, project hlawhtling taka kalpui a nih theihna atan tual-chhung inrêlbâwlna leh thil awmte mila project kalpui a pawimawh thu sawi lan a ni a, rawtna siam nghal a ni. Rawtnate hi IFAD team lo zin hunah Chief Secretary kaihhruaina hnuaiah sawiho a ni ang.

IFAD project hi cheng vbc. 500 hû tur a ni a, district pali - Champhai, Mamit, Serchhip leh Kolasib district-ahte kum ruk chhung kalpui tur a ni. Project-in a tum ber chu - hlâwk zawka tlang ram lo neih zirtir leh kalpui a ni.

Meeting-ah hian Agriculture minister R Lalzirliana, Planning Board vice chairman H Liansailova, NIB chairman JH Roṭhuama, chief secretary Lalmalsawma leh Planning secretary Dr C Vanlalramsanga te pawh an tel.