Lawngtlaiah zirlai tiṭha chawimawi

Lai Students Association (LSA) chuan nimin khan Lawngtlai district chhunga HSSLC 2017-a subject hrang hranga top 10-a langte chawi-mawina hun CYLA Hall-ah an buatsaih a, minister C Ngun-lianchunga'n a hmanpui.

C Ngunlianchunga chuan, zirlaite chu zirna lama tibuai theitu hrang hrang laka inthiarfihlim turin a chah a, "Zirlai chuan tum mumal tak neia a zir loh chuan a hlawh-chham ṭhin. Biak-inah chauh nungchang ṭha lantir loin, zirlai chuan a ni tin nunah nungchang ṭha a lantir reng a pawimawh," a ti.

C Ngunlianchunga hian a lo intiam tawh angin, arts stream-a topper Lalrinzuali, science stream-a pariatna Henry K Vanlalmalsawma leh arts stream-a 10-na Freddy F Zothangliana te chu laptop a pe a; khualzahawm, LADC chief executive member T Zakunga'n Rs. 5,000 ṭheuh a pe bawk.