MZU-ah Vice Chancellor neih thuai beisei

Mizoram University Students’ Council (MZUSC) chuan thu­chhuah siamin, MZU-in hun rei tak vice chan­cellor nghet an nei lo chu hriatthiam har an tih thu an tarlang a, "Vice chan­cellor nghet kan neih thuai kan beisei," an ti.

MZUSC chuan, uni­ver­sity VC turah sorkar laipui a fimkhur hle tih sawiin, MZU-in VC nghet a neih theih nana Mizorama pawl leh mimal ṭhahnemngaite hmalakna chu lawmawm an tih thu an sawi a, "MZUSC chuan VC tling leh tlak, MZU pawhin a chhawr ṭangkai tur, mi dik leh ṭha, sakhaw tih bik nei lo kan neih theih nan pawl leh mimala hmalaknaah mimal duhsak bik nei lo turin kan inngen a ni," an ti a; hmalakna ti-

ṭhuanawp thei zawnga che lo turin an ngen.

MZUSC chuan, MZU VC tur chu politics-a fihlim ni ngei se an duh thu sawiin, "Political party-te VC thlanna kawnga inrawlh lo turin kan ngen a, politics-a induhsak nan MZU hi hmang lo turin kan ngen a ni," an ti a; politics-a induhsakna emaw a awm chuan an en liam mai dawn lo a, theihtawpa an do tur thu an tarlang.