Motor-in naupang 2 chíl hlum

Nimin zing dar 7:30 vel khan Bawngkawn Sairang Road-a 407 stand bulah truck-in Thomas Lalrindika (6) s/o Ramthangvunga, Chaltlang North chu a lú-ah a chíl a, naupang hi ká chhawn lohin a thi. Truck khalhtu Manuwar Singh hi hnam dang a ni a, hun eng emaw chen a bihrûk hnuah a hnathawhnate'n police-ah an hlan a ni.

June 20, Thawhlehni tlai dar 3:30 vel khan Chingbiakmawii (8) d/o Thangmuankhaia, New Champhai chu an in bul kawngpuiah Champhai leh Tlangsam inkara tlân bus-in a chíl hlum.

Thu dawn danin, Ching­biakmawii hi amah chíltu bus-ah hian a chuang ve a, bus-in motor dang kian tura a insâwi rem laiin Chingbiakmawii chu bus aṭangin a chhuk a, bus ke hnung lamin a chíl a ni. Champhai District Hospital panpui ni mah se, a hliam tuar loin tlai dar 4:10-ah a thi a ni.