MIMER atana hmalakna sawiho

Health minister Lal Thanzara hoin, Thawh­lehni khan a pisaah Mizoram Institute of Medical Education & Research (MIMER) atana sorkar hmalaknate an thlirho.

Meeting-ah Medi­cal Council of India nena indawrna te, depart­ment pathum - anatomy, physiology leh biochemistry-a principal leh thawktu lak chungchang te, hna thawhna tur bungraw pawimawh bik lei dan turte leh MIMER library leh hospital hmun hrang hrang computer hmanga thlun zawm chungchangte an sawiho a ni.