KHAWTHLIR

Vanapa Hall Siam ṭha dawn
Art & Culture department chuan thuchhuah siamin, PWD-te'n Vanapa Hall siam ṭhat leh chei ṭhat hna an thawk dawn tih an tarlang. Vanapa Hall siamṭhat hna thawh a nih dawn avang hian, July 1, 2017 aṭanga thu leh awm hma chu Vanapa Hall hman theih a ni dawn lo tih an puang.

Mi 1,333 admit
May 2017 chhung khan Aizawl Civil Hospital-ah mi 34,710 an inentir a, mi 1,333 admit an ni. Nau piang 347 leh mitthi 61 an awm a; damlo zinga 246 chu Mizoram pâwnah refer a ni.

Youth Convention
NYK, Lunglei leh Zobawk Vengthar Branch YMA-te chuan, nimin khan Zobawka P Hrangkhuma Hall-ah District Youth Convention an hmang a, YMA sub-headquarters, Lunglei president R Lalnunthara'n a hmanpui. Convention-ah hian NYK district coordinator Zomuana'n ṭhalaite mawhphurhna hrang hrangte a sawi a; YMA member 350 chuang an tel a ni.

IASE-a zirtirtu Siamthat phût
MZP chuan thuchhuah siamin, Institute of Advance Study in Education (IASE)-a thawk tur assistant professor 11 laknaah a tling lo zawk lak an awm ngei nia an hriat thu an tarlang nawn a; asst. professor lakna chu June 30, 2017 ral hma ngeia siamṭha turin thuneitute an ngen a, an hun tiam chhunga siamṭhat a nih loh chuan a ṭul anga hmalak an tum thu an puang.