Zu siamna hmun tichhia

Excise & Narcotics department chuan nimin khan, MLPC Act 2014 kalha zu siamna hmun dap beihpui an thlak a; Phunchawng ram hnuaiah rakzu siamna hmun eng emaw zat an tihchhiat bakah, zu siamna hmanrua eng emaw zat an man.

END-in zu siamna hmun an tihchhiatnaah hian zu bilh lai ṭín 1,045 an tichhia a, rakzu litre 130 an man bawk.

Tunlaiin MLPC Act hnuaiah khauh taka wineshop aṭanga zu hralh a nih mek avangin, dan loa rakzu siam lama ṭan la an awm thar tih sawiin, chuvang chuan Phunchawng ramah zu siamna hmun tihchhiat hna an thawk tih an tarlang.