DMR Minister-in chhiatna thlenna tlawh

Disaster Managment & Rehabilitation (DMR) minister C Ngunlianchunga chuan, nimin khan tun hnaia ruahsur vanga Lawngtlai khawpui chhunga chhiatna thlenna hmunte a tlawh.

C Ngunlianchunga hian Lawngtlai-III-a lei tlakhniamna ṭhin, kumina che nawn leh te, AOC Venga lei khî te, Kanan BCM biak-in chhung khîte leh Thingkaha lei chêtna hmunte a tlawh. Lawngtlai-III a lei chê hian NH-54 kawngpui a nghawng tel avangin thuneitu lam chuan lirthei lian tlan an remti lo a, lei khî vang hian chhungkaw pariat chu hmun dangah an riak chhuak a ni.

DMR Minister chuan, tun dinhmunah chawpchilh taka a ven hna thawk turin tih theih tam lo mah se, mipui chu thlaphang lo turin a chah a, "Sorkarin a theih ang angin a en zui ang. Khuarêl chhiatna thleng ṭhin hi lo inven lâwk chuan pumpelh theih a awm nual a ni," a ti a; lei chêtna hmuna awmte chu tuidawn mumal tak leh tuichhe paihna ṭha zawk siam turin a chah.

Nimin vek khan Lawngtlai SDO(S) Ro-chuangkimi Kheng-lawt hoin Geology & Minieral Resources department-a mithiamte'n Lawngtlaia lei chêtna hmun hrang hrang an tlawh a; chhiat-na nasa zawk thleng thei laka inven dan tur leh hmalak dan tur an zir.

GMR department mithiamte sawi danin, lei chêtna leh lei minnate chu pialtlêp a ni deuh vek a, in sak dawnin mi thiam-te kaihhruaina hnuai-ah ruahmanna fel tak nen hma lak ṭhin ni se, chhiatna thleng thei lakah hian inven a awlsam deuh rin a ni.