Aizawla Gorkha-te an pungkhawm

Gorkha Janmukti Morcha (GJM) Mizoram State Committee chuan, West Bengal state aṭanga Gorkha state, Gorkhaland siam an duhzia lantirin nimin khan Aizawla Gorkha hnamte Zodin Square-a Mahatma Gandhi lim bulah an pungkhawm.

GJM thuchhuah chuan, Gorkha-te chu hmànlai aṭang tawha India rama awm tawh ni mah se, state hran an neih loh thu a tarlang a; tun hnaia GJM-in Bimal Gurung kaihhruaina hnuaia Derjeeling, Siliguri, Terai leh a chhehvela Gorkhaland siam phûta nawrhna an huaihawt chu âwm an tih thu sawiin, "Gorkhaland hi kan chanvo dik tak a ni," a ti.

GJM chuan, India rama state hran ngiat zingah Gorkhaland chu a upa ber a nih thu sawiin, "Kum zabi khat chuang zet nawrhna hi kalpui a ni tawh a, India sorkar pawhin a rang lama Gorkhaland state siam hi a tihmâkmawh niin kan hria," an ti a; Gorkhaland state siam ngei an phût thu an sawi a ni.