CM-in Home dept. hotute a kâwm

Chief minister Zoramthanga chuan nimin khan CMO conference hall-ah Home department hotute an minister Lalchamliana hoin a kâwm a, department hmasawnna tur ngaihtuah ngaite a sawipui.

Ṭhutkhawmah hian Home department thawktu dinhmun thlirho a ni a, indaih lohnate sawiho a ni. Hmasawnna ruhrel din hna thawh mek leh hmachhawp te, venhim hna thawh tihchakna tura hmalak belh ngaite leh thu pawimawh tak tak dang sawiho a ni bawk.

He hunah hian DGP Devesh Chandra Srivastava,Finance commissioner Vanlalchhuanga, Planning secretary Lalmalsawma Pachuau leh Home department hotute an tel a ni.