CS hoin hnam puanzar zar chungchang sawiho

Chief secretary Dr Renu Sharma kaihhruainin nimin khan district 11 bawrhsapte chuan internet kaltlangin Azadi Ka Amrit Mahotsav (AKAM) hnuaia Har Ghar Tiranga (in tina AKAM puala Hnam Puanzar zâr/tar) a hmalakna leh ruahmanna kal mek bakah, Mizorama Covid-19 vaccine pek kalpui mek dinhmun leh Jal Jeevan Mission hnuaia hma laknate an thlirho.

Ṭhutkhawmah hian district bawrhsapte chuan an hmalakna hrang hrang leh harsatna te an tarlang a; India Independence kum 75-na tlin lawmna programme hrang hrang kal mekte chu a hun taka tihlawhtling turin bawrhsapte chu hriattir an ni. In tina Hnam Puanzar zâr chu ngaipawimawha zawm ṭheuh turin mi tin an ngen nghal bawk.

He hunah hian GAD principal secretary Navin Kumar Choudhury bakah, Health Principal Secretary, Art & Culture Secretary, PHE Secretary, IPR Secretary, NHM Mission Director leh Art & Culture Director-te pawh an tel.