Mi vit hlumtu dam chhunga Jail-a táng tura hrem a ni

Gauhati High Court Aizawl Bench chuan hmeichhe pakhat vit hlumtu, Lalthawmmawia, Bak-tawng chu dam chhung jail-a táng tura thutlukna siam tawh chu a pawmpui.

Gauhati High Court-a sorkar ukil AK Rokhum hnen aṭanga thu dawn danin, Lalthawmmawia hian May 7, 2008 khan nurse Remtluangi chu Aibawka a chenna quarters-ah a vit hlum a ni.

Lalthawmmawia thu-buai hi Aizawl District & Session Court-ah ngaihtuah a ni a, dam chhunga táng turin thutlukna siam a ni. Court thutlukna hi Lalthawmmawia chuan Gauhati High Court, Ai-zawl Bench-ah a khing-let a ni.

Gauhati High Court, Aizawl Bench chuan tun hnai khan thutlukna a siam a; District & Session Court-in thutlukna a lo siam tawh chu pawm-in, Lalthawmmawia chu dam chhung jail táng tura tih a ni.