Hnahthial damdawi-inah Jeje Cabin hawn a ni

Hnahthial damdawi-inah Indian Footballer of the Year 2016 Jeje Lalpekhlua hming chawiin Jeje Cabin siam a ni a, nimin khan Jeje Lalpekhlua'n a hawng. Jeje Cabin hi Jeje Lalpekhlua'n sum a thawh hmanga siam a ni.

Hnahthial damdawi-ina medical officer Dr James Lalzuitluanga'n a sawi danin, Jeje-a'n hospital poor fund-ah Rs. 50,000 a pe a, mahse, poor fund-ah sum an neih lai a nih avangin cabin siam nan hman an rel a ni. Building chei ṭhat nan Rs. 24,000 an hmang a, TV leh fridge lei nan Rs. 2,6000 an hmang. Mi dangin mamawh dangte an pe ve bawk.