Quiz hmanga inelna buatsaih

Mizoram Science, Technology & Innovation Council (MISTIC) leh Vigyan Prasar, Department of Science & Technology, New Delhi chuan nimin khan IPR directorate auditorium-ah Mizoram State Level Sci-Connect Quiz an buatsaih.

Quiz-a tel tur hian Mizoram hmun hrang hrangah March 31, 2017 khan written test buatsaih a ni a, written test-a tiṭha zual sikulte chu - St. Paul’s HSS, Kendriya Vidyalaya (Thuampui), Ferrando School, Faith Academy, St. Jame’s, JNV Khawzawl leh JNV Thenzawl an ni.

Written test aṭang hian a tiṭha zual mi 15 thlan chhuah an ni a, chu'ngte chu team hrang hrangah inṭhenin, State Level Quiz-ah an inel leh a; a ti ṭha ber team chu India hmarchhak pum huap inelnaah Mizoram aiawhin an tel ang.

Nimina inelnaa ti ṭha ber chu St. Pauls HSS aṭangin PC Lalchhuan-awma, Lalthlamuani leh Lalremsiama Darchhun te an ni a; an ni hian Mizoram ai an awh dawn a ni.