Tiger Reserve-a thing zai vangin Forest officer pahnih suspend

Dampa Tiger Reserve chhunga thing eng emaw zat zai rûk leh quarry siam-a lung lak kaihhnawihah, Dampa Tiger Reserve field director V Lalfala leh Tuirial Forest range officer PC Lalthantluanga te chu Mizoram sorkarin a chawlhtir (suspend).

Thu dawn danin, V Lalfala leh PC Lalthantluanga-te suspend-na thupek hi June 20, 2017 khan khan tihchhuah a ni.

EFCC-a chief wildlife warden Liandawla'n a hmuna kalin a enfiah tawh a, chumi hnuah officer pahnihte chu suspend an ni ta a ni.

Dampa Tiger Reserve chhungah a rûka thing zai a nih dan chu YMA sub-headquaretrs, Mamit hruaitute leh Dampa Group YMA hruaitute'n a hmuna kal chilhin an lo enfiah tawh a, Environment, Forests & Climate Change department-ah ziakin an thlen a ni.