MNF-in theihtawp chhuah rel

MNF National Executive Committee chuan nimin khan Vanapa Hall-ah emergency meeting an nei a; resolution pass in, kum 2018-a Assembly inthlan lo awm turah bial hrang hranga an hlawhtlin theihna turin theihtawp chhuah ṭheuh ni se, an ti.

MNF NEC resolution chuan, kum 2018-a inthlan tur chu kum tawp lama neih tura ngaih ni mah se, Election Commission of India lama thuthang awmah, a hun hmaa pawh hnaih a awm thei nia an hriat thu an tarlang a, thu chiang la awm rih lo mah se, inthlan hun tihhnaih a nih pawha an barakhaih lutuk loh nan inbuatsaih lâwk ṭul an tih thu an tarlang a ni.

"Inthlan lo awm tura bial hrang hranga kan hlawhtlin theihna turin theihtawp chhuah ṭheuh ni se. Hnehna kan chan ngei theihna turin hotute rorel ang ang pawm thiam thei turin MNF High Command chuan member zawng zawngte a ngen a ni," an ti bawk.