Cement ip khat Rs. 360 aia toa Zuar lo turin MSU-in hriattir nawn

Mizo Students Union (MSU) chuan Mizoramah cement ip khat Rs. 360 aia to loa zuar thei lo turte chu Mizoramah cement phur lut lo turin cement company-te an ngen.

MSU thuchhuah chuan, cement man tlawm zawka lei a nih theih nana hma an lakna kal mek chu chhunzawm zel an tum thu a sawi a, "Cement man tlawma lei a nih theih nan chhel tak leh dawhthei taka min thláwp tlat turin mipui kan ngen a ni," a ti.

MSU hian cement company-te chu cement man chungchang an lo sawipui tawh ṭhin a, an ngennate chu company ṭhenkhatin an ngaih pawimawh loh avangin vawiin hian company-te chu MSU office-ah cement man sawipui leh an tum a ni.

MSU tarlan danin, cement-te Mizorama lak luhna rate leh mipuia hralh chhuahna rate an zir chiang a, a hnuaia mi hi an hmuhchhuah dan a ni.

# Cement company Lak luhna Hralhna
1. Valley Strong (PPC) Rs. 325 Rs. 440
2. Star Cement (PPC) Rs. 235 Rs. 460
3. Topcem (OPC) Rs. 310 Rs. 470
4. Dalmia (PPC) Rs. 320 Rs. 480