Mamit Zongaw-a thingte enfiah

YMA sub-headquarters, Mamit hruaitute leh Mamita Environment, Forest and Climate Change (EFCC) department hotute chuan June 21, Nilaini khan National Highway-44A kawng laih mekin a paltlang tur Mamit daia Zongaw an enfiah.

Enfiahnaah hian YMA hruaitute chu Mamit Sub-Hqrs. YMA vice president K Lalthanzama'n a ho a, EFCC lam chu DFO Lalnunsanga Khawlhring-in a ho thung. Mi ṭhenkhatin ngaw chhungah EFCC department mite'n thing an zai nasa nia an sawi avangin Zongaw hi an enfiah a ni.

EFCC department hian Zongaw-ah hian NH-44A in a paltlang tur laia thingte chauh an zai a ni tih an finfiah a; thing zai a nih danah dan bawhchhiatna leh dik lo taka ramngaw tihchereu a awm lo niin an sawi.