KHAWTHLIR

MoU ziak
NEDP hnuaia kalpui tur Mizoram Entrepreneur te inelna tur ‘Business Plan Competition’ leh ‘Entrepreneur Summit’ neih tur chungchangah Mizoram State Entrepreneurship Development Monitoring Committee (MEDMOC) leh IIMCIP, Kolkata ten MEDMOC chairman, chief secretary Lalmalsawma pisa-ah nimin khan memorandum of understanding (MoU) an ziak.

Thisen pe
Lawngtlai to Aizawl Maxicab Driver Welfare chuan, nimin khan Lawngtlai District Hospital-ah blood donation camp an huaihawt a, thisen unit 12 an pe.

MCAB branch
Mizoram Cooperative Apex Bank-in Khawzawla branch thar, an branch 16-na an din chu June 21, 2017 khan Tui-chang bialtu MLA Lalrinliana Sailo-in Khawzawl Vengthar Presbyterian Kohhran building-ah a hawng.

CM Relief Fund
Muslim Welfare Society (MWS), Aizawl chuan mi harsa zualte ṭanpuina atan tun hnai khan Chief Minister's Relief Fund-ah Rs. 25,000 an chhung lut.

Tlân khap
Champhai Additional DC chuan thupek chhuah-in, Champhai district chhunga kawngpuite chu ruah a sûr tam avangin hmun tam takah a chhia a, lirthei veivâkin harsatna an tawh thu a tarlang a, "Kawngpuite dimdawi zawka hman a nih loh chuan mipuiin ni tin ei bar leh châkkhai laknaah harsatna an tâwk thei a, Champhai district chhung kawngpuiah motor lian ke paruk aia tam nei mipui ni tin mamawh phur ni lote tlân khap tlat a ni," a ti.

Dept. hming thlak
Tun hnaia Cabinet meeting chuan sorkar department palite hming thlak a remti. Minor Irrigation chu Inrrigation & Water Resources; Public Health Engineering chu Drinking Water & Sanitation; Labour, Employment & Industrial Training tih chu Labour, Employment, Skill Development & Entrepreneurship; Soil & Water Conservation chu Land Resources, Soil & Water Conservation tia thlak rem tih a ni.