Congress-in sorkar ṭha kan pe thei - MPCC President

Mizoram Pradesh Congress Committee (MPCC) president Lalsawta chuan, Congress party-in Mizoram mamawh sorkar ṭha an pe thei niin a sawi.

Nimina Aizawl District Congress Committee (ADCC) buatsaih political training a hmanpuinaah Lalsawta chuan, "Sorkar ṭha nei tur chuan corruption awm lohna, sumin thuneihna a chan lohna ram nih a ngai a, hausakna vang chauha House rorelna a luah chuan kan ram a chhe thui dawn hle. Eiru lo, ram roreltu tlak Congress party-in kan ngah a ni," a ti.

Ram hruaitute zingah natna hlauhawm leh dam thei tawh lo 'Thluaka sum lut' an awm a nih chuan ramin chhiat lam a pan zel dawn tih sawiin Lalsawta chuan, "Chutiang mi chu kan ram rorel tura kan thlan loh ngam a hun tawh a ni," a ti a; sumin thuneihna a chan lohna sorkar thar Congress party-in an pek theih thu a sawi.

ADCC political training hi vice president Lalhuapzauva'n a kaihruai a, president Vanlalzuiliana pawhin thu a sawi a