Mi pahnih zawn mek zel a ni

August 2, Thawhlehni tlaia Sihhmui leh Lengpui inkar Tlawng lei bula car chesuala tel, la hmuh lo mi pahnih - Lalfakzuala Chenkual (39) leh a fapa Lallawmkima (10), Chaltlang Lily Vengte chu nimin khan Tlawng dungah ngawrh taka zawn chhunzawm a ni a, nimin tlai thleng khan hmuh an la ni lo.

Mi pahnih zawnnaah hian mi ṭhahnem tak an thawk chhuak a, YMA - Chaltlang Lily Veng, Sairang leh Sairang Dinthar branch leh Sihhmui branch-te chu a bul tumtu berte niin, Central YMA hnuaia Disaster Management Committee member-te pawh an hmanruate nen an thawk chhuak a ni. Hnatlangte hi nimin khan minister of state Lalchhandama Ralte leh MLA C Lalmuanpuia ten an tlawh.