Lei chê tuartute ṭanpuina pe

Aizawl bawrhsap Dr Lalhriatzuali Ralte hoin nimin khan a pisaah sorkar official-te leh khawtlang hruaitute'n Republic Venga lei tawlh leh lei chêtnaa hmalak dan tur an sawiho a; chhiat tâwk chhungkua 36 hnenah ṭanpuina sum an pe nghal.

Ṭhutkhawmah hian, Republic Venga lei chê vanga Lalnunmawia in chhia chu vawiinah ṭhiah ṭan ni se, an ti a; khawtlang hruaitute kaihhruainain ṭhiah tur a ni a, enpui turin zonal officer leh structure engineer-te ruat an ni.

In ṭhiah zawh hnua hlauhawm la awm thei vênna atana hna thawh turte rawtna siam nghal a ni a; chung atan chuan AMC-in Plan & Estimate siamin, Bawrhsap hnenah an thehlut dawn a ni.