RD dept. hmalakna an thlirho

Rural Development department chuan nimin khan an minister R Lalzirliana hoin Aijal Club-ah sorkar laipui scheme hnuaia hmasawnna hrang hrang an kalpui dan an thlirho.

R Lalzirliana chuan, RD department hnuaia hmalakna hrang hrangte hnuaia thingtlanga cheng-te'n an mamawh ham-ṭhatna an hmuh ve theih tur an chan a, hma an sawn zel theihna atana tih a nih thu a sawi a, "Tun hnaiah BDO-te lakah hnathawh ṭhat lohna emaw, pamhamna emaw kaihhnawiha inpuhna hriat tur a awm ta ngai lo hi a lawmawm hle," a ti.

Meeting-ah hian eFMS universalization, Demand & Timely payment of wages, Geo MgNREGA, Labour Budget, Commitment of Works, Master Circular chungchangte sawiho a ni.