Online-in gas a book theih dawn

Kolasib-ah eirawngbawlna gas online hmanga book theih tura ruahmanna kalpui mek a ni a, chumi chungchang ngaihtuah chuan nimin khan Kolasib DC Dr Arun T hoin DC pisa conference hall-ah official-te an ṭhukhawm.

Meeting-a tarlan danin, eirawngbawlna gas online booking IVRS/SMS/internet/phone hmanga book theih tura ruahman a ni. Online booking kaltlanga gas book a nih-in, gas agency manager leh IOC lamte'n ni thum chhungin gas chu a book-tute hnenah pe ngei ngei turin mawhphurhna an nei.

Gas hi a book-tute hnenah dah a nih-in gas man bituk sa bakah pawisa tlem pek belh a ngai dawn a, hemi atan hian Kolasib khawpui chu block pathum - A, B leh C-ahte ṭhenin a rate siam a ni.