ZNP-in ZNP-a lut leh turin sâwm

ZNP chuan nimin khan an president Lalduhoma kaihhruai-in an pisaah National Executive Committee meeting an nei a; kum 2018-a Assembly inthlan tinzawnin kum 2016 tir lamah inkhawmpui neih an rêl. ZNP chhuahsan tawhte chu ZNP-a let leh turin an sâwm bawk.

ZNP NEC meeting resolution chuan, kum 30 chhung Mizoram

hruai tawhtute’n sem policy tawktarhah hmangin mipui an kaihruai tawh a, Congress party-in NLUP an hlawhchhampui hnuah hming dang vuahin NEDP an zuar leh mek niin a tarlang.

ZNP chuan, "MNF hun laiin MIP min hlawhchhampui hnuah tunah sem policy bawk tawktarh lehin, SEDP hmangin mipui min lilâm chhan leh mek. MIP leh NLUP-ah hnam damna a awm lo a ni tih leh ZNP policy 'Kalphung thar' ah hian hnam damna a awm a ni tih kan puang nawn leh a ni," an ti.

ZNP meeting chuan, kum 2018 inthlan hma ngeiin ZNP member tinin voter pakhat tal ZNP-ah lak luh ni se, a ti a; an party chhuahsan tawh zawng zawngte rilru an tihnat a awm chuan ngaidam dilin, "Kum 2018 inthlanpui hma ngei hian ZNP-ah lo lut leh vek turin thinlung leh tih tak zetin kan sawm a ni," an ti bawk.