Admit duh loh bik kan nei lo - Mizo HSS Principal

Mizo Higher Secondary School (HSS) principal Lalthanzama chuan, khawi sikul chhuak pawh ni se, zirlai lâk (admit) duh loh bik an neih loh thu Vanglaini palai a hrilh a; zirlai pakhat, Aizawla sikul pakhat aṭanga chhuak a nih vanga hnar anga social media lama an puhna chu thu dik a nih loh thu a sawi.

Lalthanzama chuan, fimkhur takin admission an kalpui thu sawiin, "A bik takin science stream-ah phei chuan seat kan nei tlem a, diltu an tam ṭhin. Sikul hi chi thum - sorkar sikul, mission leh mimal sikul leh thingtlang sikulahte ṭhen hran a ni a, chuta ṭang chuan merit ṭheuh kan la chhuak a ni. A nih loh chuan mission leh mimal sikul vekin seat an chang ang. Merit inang rau rauah chuan higher se­condary awm lohna khaw mite kan duhsak deuh ṭhin," a ti.

Mizo HSS Principal hian Vang­laini palai chu admission an tihsakte list a entir a, social media lama sikul pakhat aṭanga pass chhuakte admission an tihsak duh lo nia tarlan chu thu dik lo a ni tih finfiah a ni.