Sikul inelna lawmman sem a ni

Nimin khan Education Complex conference hall-ah Aizawl District Midday Meal Nutritional Garden Competition-a ti ṭha zual sikul 10 hnenah lawmman sem a ni. Competition hi Midday Meal Scheme State Nodal Officer chuan state level leh district level-ah a buatsaih a ni.

Aizawl district-ah chuan sorkar enkawl elementary school aṭangin Nutritional Garden Competition buatsaih a ni a, October 16, 2019 aṭang khan block level-a sikul thlan chhuah sa Block Resource Centre (BRC) paruk hnuaia 

sikul pathum ṭheuhte chu District Level Monitoring Team-te’n an sikulah kalin an endik a, a ti ṭha sikul 10 hnenah lawmman pek a ni.

Lawmman pakhatna chu Saitual Middle School-I in a dawng a; pahnihna leh pathumna chu Khanpui Primary School-II leh Suangpuilawn Middle School-II ten an dawng thung.