National Handloom Day hmang

Weavers Service Center (WSC), Aizawl leh Ministry of Textiles hnuaia Development Commissioner for Handlooms chuan nimin khan India ram hmun dangte rualin Chaltlanga WSC hmunah National Handloom Day vawi 8-na an hmang a, ZOHANDCO chairman C Lalrammawia'n a hmanpui.

National Handloom Day pual hian ZOHANDCO building-ah puantahtute kutchhuak pho chhuah a nih bakah, sorkar laipui hnuaia chhawmdawlna scheme zirhona leh inhrilhfiahna buatsaih a ni a; August 7, Pathianni thleng a awh ang.