Jeremy-a hmuah dan tur rêl

Sports & Youth Services minister Robert Romawia Royte hoin nimin khan sorkar hotute'n Commonwealth Games 2022-a India ram tana gold medal latu Jeremy Lalrinnunga hmuah dan tur an sawiho. Jeremy Lalrinnunga hi August 8, 2022 khian Mizoramah a rawn haw dawn a, sorkarin lawmpuina hun a buatsaih dawn rih lo.

Jeremy Lalrinnunga hi Lengpui Airport-ah hmuah tur a ni a; Aizawl khawpui panpui leh khawpui fanpui dan tur te, an in thlenpui dan turte ruahman turin Organising Committee an din a ni. August 9-ah Chief Minister-in thingpui a inpui ang a, August 10-ah Chief of Army Staff hmaa inlan turin Aizawl a chhuahsan leh dawn a ni.

Ṭhutkhawmah hian, "Jeremy Lalrinnunga hi India Youth Olympics gold medalist hmasa ber niin, kum 2018 khan Mizoram sorkarin amah lawmpuina leh weightlifting-a dinhmun sang zawka inhláng zel tura hual nan cheng nuai 15 a pe. Tun ṭumah hian Aizawlah a chàm rei hman dawn loh avangin amah lawmpuina hun pawh remchang danga la buatsaih tur a ni," an ti.