Mara ADC-ah dan thar pawm a ni

18th July, 2020

Mara Autonomous District Council (MADC) monsoon session chu July 15-16, 2020 chhung khan Siahaah neih a ni a; MADC chhunga dan hman tur, 'The Mara Autonomous District Council (Revenue Assessment) Bill, 2020' an pawm.

MADC session ṭan ní, July 15 khan chairman H Sahlo kaihhruaiin, ṭum eng emaw zat MDC (member of district council) ni tawh leh MADC chairman hlui Hiphei sùnna hun hman a ni a, sùn nan minute khat chhung ngawi rengin member-te an ding.

Session-ah hian official bill pali a lut a, an pawm vek a; chu'ng zingah chuan The Mara Autonomous District Council (Revenue Assessment) Bill, 2020 a tel. Zawhna ṭawngkáa chhàn chi (starred question) 14 leh ziaka chhàn chi (unstarred question) pakhat a lut a, a vaiin chhàn hman vek a ni. T Seido private resolution 'Laki to Paletwa motor kawng laih ni se' tih chu an pawm bawk.