Smart City-a thlan vangin lawm

MPC party ṭhalaite leh BJP, Mizoram Pradesh chuan thuchhuah siamin, India rama Smart City atana thlan zingah Aizawl a tel ve chu lawmawm an tih thu an tarlang.

MPCY chuan, Smart City-a thlan a nih theihna tura ṭan latu UDPA department official-te thawhrimna fakawm an tih thu an sawi a; Smart City hnuaia Aizawl cheina tur sum vbc. 500 hmuh tur chu party worker-te leh lai-nate induhsak nana hman lo a, Aizawl khawpui tihhmasawnna atana hmang ngei tura sorkar an duh thu an sawi bawk.

BJP chuan, Mizoram chu BJP-in sorkar-na a chan lohna state ni chunga Aizawl khawpui Smart City atana thlan a ni chuan BJP hmathlir leh rilru zauzia, India ram leh mipui huap zo party a nih zia a pholang chiang hle niin an sawi a; Smart City-in a ken tel cheng vbc. 500 chu a hmanna tur dik taka hmang turin Mizoram sorkar an phût tih an tarlang a ni.