Bus chesualah mi 6 hliam

Aibawk Presbyterian Kohhrana Pavalai Pawl, Ratu Kohhran tlawh tura kalte chuanna bus chu June 24, Inrinni chhun dar 11:30 vel khan Khawruhlian thlen hma, Tuivawl lui chhakah chesualin, kawng thlangah an tla a, hliam zinga mi pali damdawi-inah hruai an ni.

Thu dawn danin, bus hi lirthei dang nen an insûlpelh laia chesual a ni a, a lum thui lo. A chhunga driver leh conductor nen, mi 35 an chuang. Bus-a chuangte zingah ngaihtuahawm khawpa hliam an awm lo a; mi paruk hliamin, Khawruhlian damdawi-inah lak an ni a, a theih anga enkawl an nih hnuah Aizawl panpui an ni.