Ni tin mamawh lakluhah harsatna a awm rih lo

Food, Civil Supplies & Consumer Affairs (FCSCA) director Dr Lalhriatzuali Ralte chuan, state páwn aṭanga mipui ni tin mamawh - petrol, diesel, buhfai leh eirawngbawlna gas lak luh turah harsatna a awm loh thu Vanglaini palai zawhna chhangin a sawi.

Dr Lalhriatzuali chuan, mipui ni tin mamawhte chu dan pangngaia lak luh zel a nih thu sawiin, "Tun dinhmunah chuan bungraw lak turah harsatna kan tâwk lo a, mipui mamawhte hi kan la lut zel thei. Kan la lut a, kan hralh chhuak ve leh nghal zel a ni," a ti.

FCSCA Director sawi danin, buhfai hlàn leh hlànthlak chhung a rei deuh a, Muanna Vengin truck tam tham deuh an venga din ṭha an tih loh avangin, buhfai phurte chu an hun a thlen hma chuan Mualkhang bul velahte dintir ṭhin a ni.