UGC-in academic calendar tichhuak September 1-ah session ṭan an rawt

University Grants Commission (UGC) chuan nimin khan academic calendar 2020-21 a tichhuak a, zirna ṭan hun atan September 1, 2020 a rawt.

UGC-in academic calendar a tihchhuahah hian second year leh third year zirlaite chu August 1-a zirna ṭan tur leh, batch thar (first semester/year)-te chu September 1-a kal turin a ti a ni.

Admission thar chu August 1-31 chhunga tih tura ruahman a ni a, academic session thara odd semester exam chu January 1-25, 2021 chhunga buatsaih tur leh even semester exam chu January 27, 2020-a ṭan turin a rawt. 2020-21 session atana summer vacation chu July 1-31, 2020 chhunga neih a, August 2, 2021-ah session dawt leh ṭan tura ruahman a ni.

UGC chuan, inkhàrkhip vanga zirna hun tam tak hloh a nih avangin, university-te chu 6-day week pattern zawm turin a ngen. Hei bakah hian, virtual classroom leh video conferencing facility-te siam a, chumi hmanga teaching staff-te training pe turin a ti bawk.