Lirthei chesualah mi 1 thi

August 6, Inrinni zan khan Tuirial lui leh Tuikhurhlu inkarah Bolero MZ-01 P-3864 che­sualin, kawng thlangah a tla a, lirthei neitu leh khalhtu Lalthanmawia (53) s/o VL Mawia (L), ITI Veng, Aizawl a hmunah a thi.

Thu dawn danin, Lalthanmawia hi PWD junior engineer niin, chawlh hmang turin Khawruhlian aṭangin a haw a, zan dar 9 velah Sesawng bul aṭangin a chhuak tih phone-in a chhungte a hrilh a, mahse, zan rei tak thlenga a haw thlen loh avangin a chhungte'n an ngaihven a ni. Tuirial leh Tuikhurhlu inkarah a chesual tih an hmu a, nimin zing khan a ruang lak chhuah a ni.