Horticulture dept-in khaw 42-a Raw ṭiak 7,16,715 an sem tawh

Horticulture department chuan Mizoram khaw hrang hrang 47-ah raw ṭiak 7,16,715 an sem tawh. Raw ṭiak sem tamna ber Saiphai zauah chuan ṭiak 86,750 sem a ni tawh.

Vanglaini-in Horticulture depart­ment aṭanga thu a dawn danin, raw ṭiak hi khaw 25-ah chuan ṭiak 10,000 chuang vek sem a ni a, khaw 17-ah chuan ṭiak 10,000 tling lo sem a ni thung. Sem tlèmna Dárlâk leh Kawnpui khuaah chuan ṭiak 400 ve ve sem a ni.

Horticulture department-in raw ṭiak khaw hrang hranga an semte chu - dendrocalamus brandisii, dendro­calamus sikkimensis (raw-mi), dendro­calamus longsipathus (raw-nâl) leh dendrocalamus latiflorus-te a ni.

Tarlan tawh angin, Horticulture department hian kum 2019 aṭangin tender kaltlangin raw ṭiak ṭum thum mi an supply tir tawh a, supplier-te'n ṭiak 5,93,908 pein, chu'ng chu cheng nuai 450.14 man a ni.