Joint NGO-in ràlna hlân

Guwahati-a thia chhar, C Lalhmangaih­sanga leh R Lalmalsawma, Lunglei Electric Vengte chu nimin khan NGO Coordination Commitee hminga râl an ni.

Râlna inkhawm hi Lunglei Electric Veng YMA Hall-ah neih a ni a, MUP gen.hqrs. president RK Thanga'n a kaihruai. Joint NGO-a tel Central YMA, MUP, MHIP, MZP leh MHIP aiawhte leh Lunglei sub-headquarters YMA hruaitute'n thu an sawi a; Central YMA general secretary Lalhmachhuana'n Joint NGO anga hma an lakte a sawi.

Joint NGO hian C Lalhmangaih­sanga leh R Lalmal­sawma chhungte hnenah ralna Rs. 10,000 ve ve an hlan a; inkhawmah hian Joint NGO hruaitute bakah, Lunglei Electric Veng mi ṭhahnem tak an tel a ni.