Lawngtlaia lei khì leh chê enfiah

Parliamentary secretary H Zothang-liana chuan June 24, Inrinni khan Lawngtlai khawpuia tun hnaia ruahsur vanga chhiat-na thlenna hmunte a tlawh kual a; LADC chief executive member T Zakunga, executive member Lal-tlawmlova Chinzah leh C Lallungmuana ten an ṭawiawm.

H Zothangliana hian Lawngtlai Electric Venga thlanmual min leh lei chêin a nghawng in chhiate an en a; he lei che hian chenna in 13 a huam a, in pakhat chu luah zui ngam a nih loh avangin a neitute an insawn chhuak a ni.

Lawngtlai-III lei tlahniamin NH-54 a tihchhiat leh L-III thlanmual min a en bawk a; thlanmual min vangin thlân pakua sawn a ni. NH-54 tan tlanga lei che vangin chhungkaw pariat an riak chhuak mek bawk.

Parliamentary Secretary hian AOC Venga lei che vanga BCM Kanaan kohhran biak-in chhung khi te, middle school leh YLA Hall chhung khite leh, khelmual khi a enfiah bawk a ni.

H Zothangliana chuan, lei chêin a nghawng veng leh chhungkuate chu thlaphâng lo turin a chah a, sorkarin hma a lak zui zel tur thu a sawi.